أفكار من سفر الحب

الثقة اللى بتصر من عنيك
زى العصير
هزت جوايا امنيات كتيرة
اخبارك عندى
مجبهاليش هدهد سليمان
قريتهم ف وصايا الضمير
الساكن سفر المحبة بينا
شلالات سهام السهام ف نظراتك
زى خرقة الكلوروفورم
اتلزقت على بقى
فتخشبت اعضائى
وعنيا راحت لابعد م الطريق
بين نجمتين تايهين
بيدورو علينا ف درب اللبانة
كنا بنبدر بذرة مجرة
رباط عنقك الاحمر
كان مشنقة عذريتى
ودرعاتك كانت صليب
اتفردت عليه
مكابس الهوا ف انفاسك
حرقتنى شوق ليك
خفقات صدرك
كات زى وسادات الهوا
طيرابى جنب السحاب
ساعتها بس
حسيت انى عايزا
أوهب ليك
تفاحة

» أفكار بتنقط سم