اية رايكم لم نتعلم مع بعض كيفية برمجة الاجهزة وفى الوقت دة هبداء ببرمجة الاسترا وعائلتة
نتوكل على الله ونبدا.
اولا اية الافراد اللى بتنتمى اللى عائلة الاسترا ودة على سبيل المثال وليس الحصر
استرا7000-استرا8000-استرا9000-9500-وام تك100-150-200 -nec sat200fta-ستار سات_x200ci plus-camex777
طبعا عائلة الاسترا كبيرة بس دول نماذج وبالنسبة للبرمجة فهى اسهل مايمكن
وطريقة برمجتها كالاتى
اضغط مينو وتعالى على كلمة تركيب واضغط(ok)
والرقم السرى لو كان عندك
بحث القمر الصناعى الالى
واختيار القمر المراد بحثة بالضغط على(ok)
هتلاحظ ظهور علامة(صح)على اسم القمر اللى انت اخترتة
ثم اضغط على السهم الجانبى(اللى بيعلى الصوت)واختيار طريقة البحث
لو عايز المفتوح والمشفر اختر مسح كل القنوات
لو عاير المفتوح فقط اختر مسح القنوات المفتوحة
لو عايز تضيف تردد او تبحث تردد ترددفالطريقة كالاتى
اضغط مينو ثم التركيب ثم اوكى والرقم السرى
ثم اختيار البحث اليدوى للمرسل المستقبل
هتظهر لك قائمة اخرى
اول حاجة 1-الطبق(القمر) (القمر المراد بحثة وليكن النايل سات)دى اول حاجة
التردد اى تردد من ترددات النايل سات وليكن11747
الاستقطاب افقى او راسى(عامودى) بالنسبة لتردد المذكور اعلاه راسى
نسبة الرمز كالمعتاد حاليا فى النايل سات27500
نسبة الكود 3/4
وضعية المسح (حسب الرغبة القنوات المفتوحة او المفتوحة والمشفرة)
بحث الشبكة هنخليها ابطال
ثم اوكى والجهاز هيبحث عن الباقة اللى انت كتبت بتناتها اعلاه
ولو عايز تريح نفسك من دة كلة
خاليك فى القائمة اللى انت فيها اللى انت لسة ضايف فيها البيانات وتعال على الاختيار رقع(7)اللى عو بحث الشبكة وخالية تمكين
ولو انت مش عايز تنزل القنوات المشفرة خلى وضعية المسح (قناة مفتوحة)
كدة احنا خلصنا جميع انواع البحث
نجى بقا على الناس اللى مركبة ديزال(قسام)وهنعمل الاتى
اضغط مينو وبعدين تركيب ثم الرقم السرى
ثم اختيار الضبط الهوائى ثم اوكى
اول اختيار انت واقف علية اللى هو الطبق اضغط بالسهم اللى فى الجنب (اللى بيعلى الصوت)واختر القمر اللى انت عايز تضبط قائمة القسام بتاعة بالضغط على اوكى
وبعدين انزل على على نوع المفتاح وخالية (DISEQC)
اخر حاجة اللى هى اختبارات واختر بقا رقم القسام اللى هيكون متوافق مع القسام اللى متركب على الطبق
ثم الخروج بEXITثم اوكى على نعم
وبكدة خلصنا نظام القسام
نجى بقا بعد كدة على حذف القنوات الغير مرغوب فيها
اضغط مينو ثم تنظيم الخدمة ثم اوكى
وبعد كدة تعديل القنوات اضغط اوكى ثم الرقم السرى
واختر حذف بالضغط على كلمة حذف الموجودة اسفل شاشة العرض
ثم اضغط على السهم الجانبى(اللى بيعلى الصوت)على القناة المراد حذفها بالضغط على زر اوكى
ثم الخروج والحفظ
وبكدة انتهينا من الخطوة دى نجى بقا على الترتيب
من نفس القائمة بتاعت الخذف فقط اختر حرك الموجودة اسفل حذف
ثم الضغظ على الزر الجانبى واختيار القناة المراد نقلها بالضغط على اوكى ووضعهافى مكنهاالمراد تثبيتها بالضغط ايضا على اوكى ثم الخروج والحفظ
نتجى بقا على ضبط المصنع (لمن يريد خذف كل القنوات)
خاليك فى قائمة التركيب وتعال على اعادة ضبط القيم الافتراضية المصنعية ثم اوكى مرتين ثم حرك بالسهم الجانبى واختر نعم ثم اوكى
وبالنسبة لتصنيع الجهاز فهو كورى
وبالنسبة للناس اللى عاملة رقم سرى للجهاز ونسية فالطريقة كالاتى
ا-اضغط على زر مينو هتظهر لك قائمة اختر اخر اختيار(حالة الجهاز) ثم اضغط زر اوكى ثم على الارقام التالية(9876)
وبكدة هيرجع الجهاز الى الرقم السرى بتاع المصنع اللى هو (0000)
اتمنا ان اكون وفقت فى هذا الشرح البسيط .اخوكم سامح