اللعب مع الكبار

مفتتح
(قبل ماتفكر تلعب مع الكبار قيس حجم هامتك)

اللعب مع الكبار

الحاوى اللى لعب بعقول حارتنا
بتلات ورقات كوتشينة
كان اولعبان كبير
باع دماغ كل اللى لاعبهم للوهم والاحلام
هزم كل اللى حاول يكون منافس ليه
فقرر اخيرا يلعب مع الفراعين
كروت الوهم
فوق ترابيزة الانحلال
اللى اتحرقت
ونزلت بكى وعويل
اول ماشافت عيون ابو الهول
وهو جاى من بعيد
من قبل حتى مايمدلها ايده
ومن قبل ماتبداء اول لعبه
الحاوى اللئيم
رغم مرارة الهزيمة
على وشة الممسوح حجر صوان
بيحاول يبان انه متماسك
وعايز يلعب دور كمان
ابو الهول قرر يديله ضهرة
وقاله مابحبش لعب الصغار
(ديمقراطية الجهال العن من ديكتاتورية الحكام)
(وصوت ادان الديوك ميشبهشى نواح البوم)

نعمل حكومة أونطة
وزارة من غير سلطة
تعمل بيان وخطة
لعبة وتلات ورقات
****
نجيب لها وزرا
تعلب ونمس وقطة
وأرنب عنده زوغطة
يمشي كما الخواجات
****
ولكل وزير أورطة
وكرسي بيدور ويافطة
ومكتب كبير وشنطة
يلمْ فيها الإتوات

ياعينى

بيقولو ابن الوز عوام

ياترى دى كتابات الوز ولا فراخه

هههههههههههههههههه

دمتى طيبة

هاله خطاب كتب:: نعمل حكومة أونطة
وزارة من غير سلطة
تعمل بيان وخطة
لعبة وتلات ورقات
****
نجيب لها وزرا
تعلب ونمس وقطة
وأرنب عنده زوغطة
يمشي كما الخواجات
****
ولكل وزير أورطة
وكرسي بيدور ويافطة
ومكتب كبير وشنطة
يلمْ فيها الإتوات

الشاعر المشكلة أبودنيا
بتقفز فى كل قصيدة أقرأها لك قفزات واسعة ...لدرجة أنى مش قادر ألاحقك ... و عمال أنهج ...
و طبعا بلاحقك مش علشان أخدك الدوار واسلمك للغفر ..
لكن علشان أقدر أشوف ملامح نصوصك عن قرب لآتمتع بجمالها
نص رائع
و لا أرقى ( على رأى الكابتن شوبير )
مع محبتى