اضحك الدنيا مش مستاهله!

مره واحد بيسأل صاحبه عارف ليه الدكتور بيخبي وشه وبيحط كمامه وهو داخل غرفة العمليات ؟؟؟ فقال له ليه ؟ قال له علشان محدش يعرفه من اهل المريض لو العمليه منجحتش

واحد دماغه مليانه حشرات راح للدكتور قاله يادكتور عاوز اطّلع الحشرات اللى فى راسى... قاله افتح المروحه على الاخر واقعد ادمها هيطير منك الحشرات ، عمل كده وبعدين نام وصحى سمع صوت الحشرات بيقول امبارح كان فيه عاصفه لكن محدش مننا مات ... راح تانى للدكتور قاله منفعش الحل ده ، الدكتور قاله خلاص اركب عربيه واطلع على اخر سرعه وطلع دماغك من الشباك ...عمل كده وهو مروح من عند الدكتور وروح نام وصحى سمعهم بيقولوا امبارح حصل عاصفه شديده قوى ومافيش حد مات .... قام رايح للدكتور تانى وقاله الحل منفعش انا عاوز اخلص بقى .... قاله مفيش الاّ حل واحد ، تعد جمب واحد وتحط راسك فى راسه... و الحشرات هتروح منك .... ام راح عمل كده ونام وصحى الصبح سمعهم بيقولوا امبارح كان فى حرب جامدة مع قبيله تانية لكن محدش مننا مات ، واسرنا 500 من القبيلة التانية

مرة شرطي مرور مسك واحدبيعمل امركانى بالعربية .. وقاله ادفع مخالفة 50 جنيه ... رد السواق وقال :ماعيش إلا ورقة بــ 100 جنيه ..... قال له شرطي المرور خلاص روح اعمل أمريكانى بــ 50 جنيه تانيه ..وارجع

واحد اسمة شلبى كان مسافر بلاد برة ، فراح محطة القطر وطبعا هناك النظام آخر تمام ... فراح داخل فى مكنة التذاكر ، يحط ا الفلوس وتنزل له التذكرة ، فراح حط الفلوس والتذكرة نزلت له ، والمكنة راحت قايله مرحبا بالاستاذ شلبى سوف تركب قطار رقم 26 وسيصل الساعة الواحدة ، هوة سمع كدة فعجبته الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ، راحت المكنة قالت له الاستاذ شلبى فضل يستهبل لحد ما القطر فاتة

غبي راح عمل سشوار عند الحلاق وقال عندي فرح بعد اسبوع وعايز شعري يفضل حلو كده الحلاق قاله بس ابعد عن الميه -- رجع بعد 3 ايام بيقول للحلاق ...... عطشـــاااااااان.

صبى كسلان جدا شغال مع ميكانيكى كل اما المعلم يقول له هات مفك ، يقول له كمان شويه ...بكره ... مش وقته. ، وفى يوم لمبة الورشة اتحرقت ، المعلم قاله ركب اللمبه قال له دى حاجة سهلة قوى ، وشاله المعلم على كتفة واستنى دقيقة دقيتين ربع ساعه مافيش حاجة ركبت ، قال له المعلم انت مركبتش اللمبه ليه؟؟؟؟؟؟؟؟؟؟؟؟ قال له اللمبه قلاووز وانت اللى مبتلفش يا معلم

مرة فصل كله عيال عينهم حوله ......كل ما واحد يجى يكتب فى كرسته ، يقوم كاتب فى كراسة زميله ..... المدرس اخر ما زهق قالهم اللى ها يكتب فى كرسته ها اديله ملبسة.... تلميذ ركز قوى وكتب فى كرسته ، المدرس ادله الملبسة.... حطها فى بق زميله

عائله من اكلة لحوم البشر . الاب و ابنه خرجوا للصيد وسابوا الام ....استخبوا في الغابه .... شويه و شافوا واحد رفيع معدي ,الابن قال لابوه يالا نصطاده الاب قاله بس يا عبيط هوه ده فيه حاجه تتاكل ...شويه وعدى واحد تخين الابن قال يالا نمسكه و ناكله الاب قاله بس يا عبيط ده كله دهن لو اكلناه نموت....شويه و عدت واحده حلوه قوي الابن قال هي دي يالا نمسكها و ناكلها ...الاب قاله بس يا عبيط يالا نمسكها ناخدها البيت و ناكل امك ....... !

مرة واحدة قاعدة مع جوزها قاللها انا بحب فيتراك قالت له و انا بحب مجدى قالها فيتراك دي مربى قالت له ومجدى ده عسل

واحد عنده مزرعة ارانب ، وجاره عنده مزرعة جزر ....كل يوم الارانب تروح تاكل الجزر ، فراح يشتكي صاحب مزرعه الارانب... فقالوا معلش مش هتحصل تانى ......، تانى يوم حصل نفس الموضوع ... ثالث يوم الراجل اتخنق ، راح مسك الارانب و كسر لهم اسنانهم..... اليوم اللى بعده ملقاش الجزر برضه ....فراح للارانب قال لهم عملتوا في الجزر ايه وسنانكم مكسره ؟؟؟؟؟ قالولوا عملناه عثيييييييييييييييييييير

واحد بخيل قال لمراته إسلقى لنا بيضتين للغدا انا طالع أضبط اريال التلفزيون ... وهو بيصلحه وقع من الدور العاشر .....وهو بيقع من جنب شقته زعق لمراته و قالها:خــــــــــليــــــهــــــــــــــا بــــــــــــيـــــــــــــضــــــــــة وحـــــــــــــــــــــــــــــــــــــــــــداااا ا

مره مجموعه هجموا علي شخص وفي ايديهم السلاح وسالوه :انت معانا ولا مع الناس التانيين؟؟؟؟؟ جاوب الرجل هو مرعوب وقالهم على طول انا معاكوا طبعا .............. فقلولو : احنا الناس التانين .. طاااااخ

واحد حب يوقف اتوبيس لكنه ماوقفش ... فجرى وراه لحد ما وصل البيت فقال لمراته افرحى النهارده انا وفرت ربع جنيه .... فقالت له يا خيبتك مش كنت تجرى ورا تاكسى كنت وفرت خمسه جنيه

مرة طفل شاف قطة فى الشارع قال لأخوه انا هاخد القطة دى اغسلها و اربيها.اخوه قاله لو غسلتها هتموت و سابه و مشى..... رجع بعد ساعتين لقى اخوه بيعيط وبيقوله القطه ماتت.... قاله مش قولتلك لو غسلتها هاتموت ، قاله ماماتتش و انا بغسلها ماتت و انا بعصرها

واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى.......طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ..... وقابل موظف اخر وسأله عن الفراخ المدبوحة ومقطعه فقال له عايزها متكيسة ولاّ لأ ؟؟ قال له متكيسة فقال له اطلع الدور الرابع .....طلع الدور الرابع وقابل موظف اخر وقال له عايز فراخ مدبوحة ومقطعه ومكيسة فرد الموظف وقال له مافيش فراخ بس ايه رأيك فى النظام

واحد بيقول لمراته أنا عايز لما أرجع من الشغل النهارده ألاقيكى عاملة محشى... قالتله بس أنا ماعرفش أعمل محشى... قالها ماليش دعوه أنا عايز محشى وسابها ونزل... ولما رجع لقى ترابيزة السفرة كلها محشى قالها طيب المحشى ده جه منين؟؟؟ قالتله الظاهر كده ان البيت فيه عفاريت قالها عفاريت !!! يبقى لازم نعزل دلوقتى نروح حلوان ، .جاب عربية نقل علشان يحمل العفش ، لاقى العفش بيتحمل لوحده و الثلاجة والمكتب وغرفة السفرة ولالقى أربع عفاريت واقفين فوق العربية وبيقولوا ..هيييييييييييييييييييييية حانروح حلواااان...حانروح حلواااان.

مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف

مسطول بيسأل صاحبه هو الزيتون له رجلين ؟؟ قال له : لا ... قال : يبقى انا أكلت خنفسه

مطرب صوته وحش قوى قاعد يغني ويقول ..هينووبه ايه العازول لما يفرقونا.. قام واحد من القاعدين قال له هينوبه ثواب

واحد من أهل الشام ...سافر على الصين شاف واحد حب يتعرف عليه فقال له شو إسمك ؟ فقال مي شان شو ...فقال له علشان نتعرف

واحد راح للدكتور بيحكى له عن حالته وبيقول انا كل يوم باصحى الآقى نفسى مندهش ، كل مرة بأ صحى الآقى نفسى مندهش .... راح الدكتور كاتب له على علاج .... فصحى تانى يوم لقى نفسة مش مندهش ............. فإندهش

واحد راح لدكتور عيون علشان يعمله عملية .بعد ما فكله الرباط قال للدكتور مش شايف يا دكتور,الدكتورقاله دول كام قله مش شايف,قله طب دول كام قله مش شايف مش شايف, راح الدكتور مسك ودنة و قله طب دى أية قله دي ودنى الدكتور قله يااخى خضيتنى عليك.

مرة اثنين عندهم كلاب صيد صاحب الكلب الاول أول ما يضرب طلقة من البندقية ، يجرى الكلب ويروح يجيب الفريسة.... والثانى أول ما يضرب الطلقة كلبه يكّش.... فنصحة صاحبة انه يروح الافراح فى الارياف ، فالكلب هيتعود على صوت الرصاص... راح الارياف وفضل يحضر فى افراح لمدة 6 شهور...... وبعدين رجع يصطاد ، راح ضارب طلقة من البندقية... راح الكلب وقف على رجله وقعد يزغرط

واحد نفسه يطلع القمر .. فراح لجماعة خدوا منه فلوس وبعتوه حته فى الصحراء... فهناك قابل واحد مدروخ وبيقول له:انا حران من الشمس. فالتانى قال له : وانا عوض من الأرض

كبابجى يوم جوازه فرش سريره بقدونس

مرة حمار حب بطاطساية خلفوا بطاطس محمرة

مرة واحد متسلق جبال راح يتسلق جبل هو و المساعد بتاعه. وكان المساعد ده بيتهته فى الكلام ,وهما طالعين فى نص المسافة المساعد قال للمتسلق:ن ن ن ن ن........ فالمتسلق قاله:بس يابنى لاضحك ونوقع احنا الاثنين. ولما وصلوا فوق ، قاله عايز ايه ؟؟ قاله:ن ن ن ن ن.... نسيت الاكل تحت. قاله: يخرب بيتك . ونزلوا تانى ، وهما فى نص المسافة ,المساعد قاله:ب ب ب ,قاله :بس لاضحك ونوقع احنا الاثنين.ولما نزلوا تحت قاله :عايز ايه.قاله:ب ب ب ب بهزر معاك

واحد اخنف واقع فى بير مايه ...فمر علية واحد وكان اخنف برضه ، قالة اطنعك ...رد قالة ايوه طنعنى.... قال بتألس علي طيب مش حطنعك

الدكتور بيلف على العيانين فشاف واحد بيخبط دماغة فى الحيط فسال الممرضة ماله ده ؟؟ قالت له ده كان بيحب واحدة لكن مجوزهاش... فدخل الدكتور العنبر التانى فشاف واحد ماسك شبشب وبيخبط على دماغه فسال الممرضة وده ماله ده؟؟ قالت له ده الى اتجوزها

اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى

واحد اشترى موبايل فحب يعملها لمراته مفاجأة راح داخل البيت في السر واستخبى في الحمام واتصل بيها من الموبايل ولما ردت عليه قال لها ازيك يا حياتي أنا جاي في السكة قالت له :لأ اوعى تيجي دلوقت أحسن أبو سيد مستخبي في الحمام

واحد واقف على الكوبري بيقول ,36,36,36,36 راح واحد سأله ايه حكاية ال36دي؟ قاله تعالى أوريك قام رماه من فوق الكوبري ..وقال 37,37,37,37

مره واحد ركب الطيارة فالمضيفه جاتلوه قالتلوه تحب اجيب لك فطار كامل قال لها ليه كامل مش هايفطر

بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!

واحد عنيد دخل في رجله مسمار.... قاله وحياة أبوك ماأنت طالع

واحد بلدياتنا اشترى مكيف ولما جه يركبه بنفسه فى الحيطه ركبه بالمشقلب وبعدين جه شغله قال أوففففففف أوفففف الله يكون فى عون اللى بره

كلب بلدى ، معدى على قسم بوليس شاف كلب بوليسى قال فى نفسه وهو متضايق يا رتني كنت كمّلت تعليمى

واحد بخيل عندة 3 تفحات فتح الاولي لقي فيها دودة ، راح للتانية لقي فيها دودة ، وصل للثالثة طفى النور وكلها

الزوجه: لقد رأيت جارنا يقبل زوجته كل اليوم صباحا ، لماذا لاتفعل مثله ؟...الزوج: هل تعتقدين ان جارتنا سوف توافق

بلديتنا رايح يشترى انبوبة بوتاجاز فالراجل بيسالة فين الفارغ بتاعها فرد و قال لا دة انا هشربها هنه

واحد غبي أوي اوي راح السينما لقى يافطة على الباب مكتوب عليها ممنوع الخول لأقل من 18 راح ورجع معاه 17واحد

واحد بخيل ييجي بالليل و يقول لولاده مين يتعشى ومين ياخد جنيه كل الولاد يقولو ناخد الجنيه ييجى الصبح ويقولهم مين يفطر و يدي لبابا جنيه

المريض: يا ترى يا دكتور أنا ممكن أعيش لحد ما يبقى عندي 100 سنة؟ الطبيب: أنت بتدخن أو بتشرب أو بتتعاطى؟ المريض: لأ أبداً، عمري ما دخنت سيجارة أو كأس ولا حتى شديت نفس من شيشة... الطبيب: بتلعب قمار؟ المريض: لأ، ولا حتى كوتشينة ولا دومينو ولا شطرنج .... الطبيب: بتسهر قدام التلفزيون أو الفيديو أو الدش؟ المريض: ولا بفتحهم من أساسه.... الطبيب: ولا بتسهر على القهوة؟ المريض: ولا عمري عتبتها برجلي... الطبيب: بترهق صحتك ونظرك بالقراءة كتير؟ المريض: بالعكس، أنا أطيق العمى ولا أطيقش الكتب... الطبيب: طيب بتقعد كتير قدام الكمبيوتر أو الأنترنت؟ المريض: كمبيوتر؟ أشوف إيه؟ .... الطبيب: طيب بتسافر على طرق خطر أو بتسوق كتير؟ المريض: أنا لا عندي عربية ولا بأسافر من أصله..... الطبيب: طيب بتلعب أي رياضة عنيفة أو مرهقة؟ >المريض: ولا عمري عتبت نادي، وما لعبتش حاجة من أيام ثانوي.... الطبيب: أمال عايز مية سنة تهبب فيهم إيه !!!!!

واحد لقى صاحبه بيجرى قاله بتجرى لية؟ قاله أصل مراتى بتتوحم على ترمس وأنا خايف للواد تطلعلوا ترمساية فى وشة.... فرد عليه متخفش ، مـأنا أمى كانت بتتوحم على أسطوانة وأبويا مجبهاش... جرالى حاجه..بوم ,جرالى حاجه..تك تك...,جرالى حاجه

و اخيرا....
واحد فتح بطيخة .. طلع منها جني و قاله : شبيك لبيك عبدك وملك ايديك إيش تطلب ؟؟ قاله : عاوز شقه قاله : شقه ايه ؟ قاله : شقه أسكن فيها قاله : يا شيخ اتنيل .. أنا نفسي ساكن في بطيخة!!!!