جالك الموت 00!!؟

[color=red]جالك الموت 00!!؟[/
]ما فضلشْ مني
وفروع الشجر المتعري
غير ورقة توت
مدارية الشوق
اللي في النني
وحبّة عافية
باقيه في دراعي
المسنود ع النبوت
****
ربيع عمري
جري بدري
والشتا والصيف
الشجر الطارح ومنعنع
أهو جاله خريف
والجدر بموت
*****
خايف من إيه 00؟
من حبة عتمة يطوك
لمَّا الشمس
في لحظة تغيب
ما كنت عايش
علي راحتك
الحزن أهو واخدك
من نفسك
لمَّا صابك الشيب
قاعد ومقرفص
غلبان
طبعك دا غريب
مستني الموت
ياخد اجلك
لمَّا يفوت
****
حلمك متداري
في خيالك
أهو راخر هربان
م الخوف
مرمي ومتلَّقَّح
جنب الحيط
خايف لا القمر الداير
يلفك بالنور
فتبان تجعيد وشك
خزيان مكسوف
قال يعني
خيالك وشْ كسوف
ما خلاص
فجرك بكره
مش طالع
وخيالك الواقف
قدامك
قلقان حيران
عرف إنه هايتلاشي
عرفت يا فالح
الوقتي إنك إنسان
فاكر نفسك ناصح
أتاريك ضعيف هفتان
لا حولة له ولا قوة
وما فكشْ إلا لسان